Атырауда "не зат" тіркесі "не?" деген мағынаны білдіреді.
"Өлә" – таң қалғанда айтылатын ишара сөз. Әсіресе, Қызылорда, Түркістан, Жамбыл облыстарында таралған.
Қантты батыста "секер", оңтүстікте "құмшекер" деп атайды.
"Жоян" сөзінің жуан деген де мағынасы бар. Өз кезегінде жуан деген де мықты деген мағынаны білдіреді.
Қазақ халқы ердің үстіне салатын төсенішті көпшік деп атаған. Оңтүстікте кішкентай көрпешені көпшік дейді. Кей жерлерде бөстек деп те атайды.
"Ол жүдә бір мазасыз адам" сөйлеміндегі "жүдә" сөзінің орнына "тіпті", "тым", "аса", "мүлдем" сөздерін қойып оқып көріңіз.
Оралда майда шыбынды "бытықана" не "бітіқана" деп атайды.
"Тоқал там" тіркесін әдеби шығармалардан оқыған боларсыз. Шатырламай төбесін бір тегіс етіп топырақпен жапқан тамды солай айтады. Оралхан Бөкейдің "Өз отыңды өшірме" шығармасынан үзінді: – Әлгі тоқал тамның бұрышында керосинмен жанатын көнетоз үй бар.
Біттей деген биттей деген сөзден шықса керек.