Тәуелсіз Қазақстанның алғашқы Конституциясы 1993 жылы 28 қаңтарда ХІІ шақырылған Қазақстан Жоғарғы Кеңесінің ІХ сессиясында қабылданды. Ол кіріспеден, 4 бөлім, 21 тарау және 131 баптан тұрады. 1993 жылғы Конституция негізіне парламенттік республика моделі алынды.
Ағымдағы Конституция 1995 жылы 30 тамыз күні жалпыхалықтық Референдум негізінде қабылданып, 5 қыркүйек күні өз күшіне енді.
Конституция 9 тараудан, 98 баптан тұрады.
1995 жылдан бері Ата заңға бес рет өзгеріс енгізілген. Атап айтсақ, 1999, 2008, 2011, 2017, 2019, 2022 жылдары.
2-бапта Қазақстан Республикасының президенттік басқару нысанындағы біртұтас мемлекет екені жазылған.
Конституция 9 тараудан тұрады: "Жалпы ережелер", "Адам және азамат", "Президент", "Парламент", "Үкімет", "Конституциялық кеңес", "Соттар және сот төрелігі", "Жергілікті мемлекеттік басқару және өзін-өзі басқару", "Қорытынды және өтпелі ережелер".
30-бапта азаматтардың мемлекеттік оқу орындарында тегін орта білім алуына кепілдік берілетіні және орта білім алу міндетті екені жазылған.
Конституцияның 20-бабында сөз бен шығармашылық еркіндігіне кепілдік берілетіні, ал цензураға тыйым салынатыны жазылған.
2019 жылы 19 наурызда Нұрсұлтан Назарбаев мерзімінен бұрын президенттік өкілеттігін тоқтататынын мәлімдеді. 20 наурызда ҚР Парламенті Сенатының төрағасы Қасым-Жомарт Тоқаев Қазақстан халқына ант беріп, уақытша президент болды. Сол күні ол ел астанасына Нұрсұлтан Назарбаевтың есімін беруді ұсынды. Парламент жедел түрде Астана атауын Нұр-Сұлтан деп өзгерту туралы заң жобасын қабылдады.
Дауыс беруге 7 985 769 адам (дауыс беру құқығы бар азаматтардың 68,05%-ы) қатысып, олардың 77,18 пайызы Конституцияға өзгерістер енгізуді қолдап дауыс берді.