Қуырылған бидайдан, арпадан, жүгеріден ұнтақтап дайындалатын тағамды атаңыз.
Сурет: eldala.kz
Қуырылған бидайдан, арпадан, жүгеріден ұнтақтап дайындалатын тағам талқан деп аталады.
Мипалау қалай жасалады?
Сурет: baribar.kz
Мипалау жасау үшін қойдың пісірілген миына құйқа, ішек-қарын, бауыр, құйрық май араластыру қажет. Кейін оны қымыз, айран, сорпа сынды тұздықпен ұсынады.
Енді қайнап келе жатқан сүтке бал мен ұн қосу арқылы жасалатын тағамды атаңыз.
Сурет: uniface.kz
Енді қайнап келе жатқан сүтке бал мен ұн қосу арқылы жасалатын тағам балқаймақ деп аталады. Кей өңірлерде оны қуырылған ұнға бал мен қаймақ қосып, қыздыру арқылы да жасайды.
Әуелі ұнды болмаса жарманы аздап қуырып алады. Кейін қойдың шыжғырылған іш майын қосып, үстіне қайнаған су құйып, араластырып отыру қажет. Бұл тағамды көбінесе қариялар мен сәбилерге арнап дайындайды.
Суерт: ihsan.kz
Қуырылған ұн немесе жармаға қойдың шыжғырылған іш майын қосып, үстіне қайнаған су құйып, араластыру арқылы жасалатын тағам быламық деп аталады.
Жаужүрек неден жасалады?
Сурет: jjtv.kz
Жаужүрек қойдың бауырынан жасалады. Оның құрамында қорқынышты жоятын гормонға әсер ететін элемент болғандықтан, ерлер мен жас балаларға береді.
Өрметөсті кімге арнап пісіреді?
Сурет: altaynews.kz
Өрметөс – қой төсінен жасалатын тағам. Оны күйеу балаға береді.
Ұзатылып кеткен қыз еліне төркіндеп келген кезде арнайы әзірленетін тағам қалай аталады?
Сурет: altaynews.kz
Қазақ үлпершекті ұзатылған қыздың сыбағалы асы ретінде әзірлеген.
Жаңа сойылған қойдың не ешкінің етін, іш майын, бауырын майдалап турап, оған аздап ұн себелеп, пияз, бұрыш, тұз қосып, әбден араластырғаннан кейін, бүйенге не қарынға салып, пісіретін тағам қалай аталады?
Сурет: uniface.kz
Бұжыны жасау үшін ет, жүрек, бауыр, майды турап, дәмдеуіштер мен пияз, бұрышты араластырып, қарынға салады да, аздап су құяды. Содан соң қазандағы суға салып қайнатады.
Піскен ет пен қамырды ұсақтап турап, үстіне тұздық құйып берілетін тағам қалай аталады?
Сурет: gastronom.ru
Нарын – піскен ет пен қамырды ұсақтап турап, үстіне тұздық құйып берілетін тағам.
Жаубүйрек қандай тағам?
Сурет: astana.citypass.kz
Жаубүйрек – ұлттық тағамның бір түрі. Жаңа сойылған малдың құйрық майы, өкпе-бауырын жұқалап турап, істікке кезектеп шаншып, отқа қақтап пісіреді.